ДУА "Чудзінская сярэдняя школа"

Генацыд беларускага народа ў гады Вялікай Айчыннай вайны

15 студзеня ў 11 класе ДУА “Чудзінская сярэдняя школа” прайшла інфармацыйная гадзіна, прысвечаная трагедыі беларускага народа ў гады Вялікай Айчыннай вайны – генацыду мірнага насельніцтва, а таксама дзейнасці калабарацыянісцкіх фарміраванняў, якія дапамагалі акупантам.

Мэта мерапрыемства: фарміраванне гістарычнай памяці аб злачынствах супраць чалавечнасці, учыненых нацыстамі і тымі, хто ім дапамагаў, і асэнсаванне ўрокаў вайны для сучаснага пакалення.
Падчас інфармацыйнай гадзіны абмяркоўваліся факты масавых знішчэнняў, карныя аперацыі, спаленне вёсак, сведчанні відавочцаў і дадзеныя крымінальнай справы, узбуджанай Генпракуратурай. Значная ўвага была нададзена дзейнасці калабарацыянісцкіх фарміраванняў, якія ўдзельнічалі ў карных аперацыях, ахоўвалі аб'екты, праследвалі партызан і падпольшчыкаў і здзяйснялі зверствы. Навучэнцы працавалі з архіўнымі дакументамі, фотаматэрыяламі і відэахронікамі, аналізуючы ролю кожнага, хто свядома служыў ворагу, і падкрэсліваючы, што генацыд – гэта не толькі дзеянні акупантаў, але і здрада суайчыннікаў.
Інфармацыйная гадзіна стала важным крокам у разуменні глыбіні трагедыі, паказала, што калабарацыянізм – адна з форм здрады, якая не мае тэрміну даўнасці, і ўмацавала рашучасць захоўваць памяць аб ахвярах і супрацьстаяць любым праявам ідэалогіі супраць чалавечнасці.

Архіў навін

Генацыд беларускага народа ў гады Вялікай Айчыннай вайны