20.10.2025
Мае жыццёвыя мэты
17 кастрычніка 2025 года ў рамках выхаваўчай праграмы «Я. Мая сям’я. Мая Радзіма» ў 7 класе прайшоў занятак на тэму «Мае жыццёвыя мэты».
Асноўная мэта занятку — фарміраванне ў вучняў асэнсаванага падыходу да выбару жыццёвых мэт і шляхоў іх дасягнення. Падчас абмеркаванняў падкрэслівалася, што большасць абставінаў у жыцці чалавека залежыць ад яго самога, а свядомы выбар — гэта ключ да паспяховай будучыні.
Асаблівая ўвага была нададзена:
- разуменню наступстваў прынятых рашэнняў;
- важнасці самастойнага планавання і адказнасці за свой выбар;
- уменню ацэньваць сітуацыі і прымаць узважаныя рашэнні.
Вучні ўдзельнічалі ў дыскусіях, выконвалі практычныя заданні, аналізавалі жыццёвыя сітуацыі і вучыліся бачыць сувязь паміж сваімі дзеяннямі і вынікамі. Занятак прайшоў у атмасферы адкрытасці і ўзаемапавагі, спрыяючы фарміраванню ўнутранай матывацыі і самасвядомасці.
