11.04.2025
Гэта забыць нельга
Да Міжнароднага дня вызвалення вязняў фашысцкіх канцлагераў сярод вучняў пачатковых класаў прайшла тэматычная гутарка “Гэта забыць нельга”. Рабяты пачулі расказ аб вязнях канцлагераў: аб тых, хто кожны дзень адчуваў голад, хваробу, пакуты, аб тых, хто загінуў падчас знясільваючых работ. Дзеці даведаліся, што на тэрыторыі Беларусі была створана цэлая сістэма лагераў смерці і гета, у якіх было знішчана звыш 2,2 мільёнаў чалавек.
Толькі захоўваючы памяць аб тых страшных падзеях, можна спадзявацца на тое, што падобнае больш ніколі не паўторыцца ў гісторыі чалавецтва.
