19.03.2024
Прырода і чалавек – адно цэлае
19.03.2024 з навучэнцамі 5 класа ў рамках праекта ШАГ "Школа актыўнага грамадзяніна" адбылася класная гадзіна "Прырода і чалавек – адно цэлае".
Ахова навакольнага асяроддзя – адна з галоўных праблем, якія стаяць перад чалавецтвам на сённяшні дзень. Растлумачыць падрастаючаму пакаленню сучаснае экалагічнае становішча, пабудзіць да аховы і рацыянальнага выкарыстання рэсурсаў навакольнага асяроддзя, выхоўваць беражлівыя адносіны да прыроды, пачуццё адказнасці за ўсё жывое, а таксама спрыяць павышэнню ўзроўня экалагічнай культуры. Менавіта такія задачы стаяць перад усімі, хто нясе адказнасць за выхаванне будучых пакаленняў, якія павінны будуць перадаць нашу планету сваім нашчадкам. І, каб праз гады яна не страціла сваёй прывабнасці, ужо сёння неабходна клапаціцца пра заўтрашні дзень.
