15.03.2024
Адзіныя ўрокі, прысвечаныя Дню Канстытуцыі Рэспублікі Беларусь
15 сакавіка ва ўстанове адукацыі “Чудзінская сярэдняя школа” прайшлі адзіныя ўрокі, прысвечаныя Дню Канстытуцыі Рэспублікі Беларусь. Менавіта ў гэты дзень наша краіна адзначае 30-годдзе з дня прыняцця Асноўнага Закона дзяржавы. Праведзеныя мерапрыемствы садзейнічалі фарміраванню ў навучэнцаў прававой культуры, актыўнай грамадзянскай пазіцыі, разумення сутнасці і значэння Канстытуцыі, гатоўнасці свядома і актыўна выконваць грамадзянскія абавязкі, выконваць і паважаць законы сваёй краіны.
Навучэнцы даведаліся пра гісторыю стварэння, прыняцця, унясення змяненняў у Канстытуцыю Рэспублікі Беларусь, аб правах і абавязках грамадзян. Атрыманыя прававыя веды школьнікі праверылі з дапамогай розных заданняў: адказвалі на пытанні віктарыны “Закон і Я”, выконвалі тэст з выкарыстаннем матэрыялаў II Рэспубліканскага прававога турніру “Сіла Закона”.
Напрыканцы адзіных урокаў удзельнікі прыйшлі да высновы аб важнасці Канстытуцыі для забеспячэння раўнапраўя грамадзян, парадку і законнасці ў дзяржаве. Выконваць Канстытуцыю Рэспублікі Беларусь – абавязак кожнага грамадзяніна.