11.03.2024
Дзень здароўя
Па-сапраўднаму спартыўным стаў Дзень здароўя ў гэтую суботу ў нашай установе адукацыі. Рабяты спаборнічалі ў бегу, скачках, кіданні, гнуткасці, падцягванні. Зарад здароўя, бадзёрасці і настрою атрымалі ўсе ўдзельнікі мерапрыемства. Вучні яшчэ раз даказалі, што весці здаровы лад жыцця зараз модна і зусім не складана. Уменне весці здаровы лад жыцця - прыкмета высокай культуры чалавека, яго адукаванасці, настойлівасці і волі.
Цікавым і захапляльным быў наш суботні дзень. Будзьце здаровыя! Беражыце сваё здароўе, любіце фізкультуру і займайцеся спортам. Бо здаровая нацыя - шчаслівая і квітнеючая будучыня нашай краіны!
