16.01.2024
Гістарычная памяць – дарога ў будучыню
16 студзеня 2024 года з навучэнцамі 5 класа праведзена класная гадзіна па тэме "Гістарычная памяць – дарога ў будучыню". Падчас занятка дзеці пазнаёміліся з вытрымкамі з плана "Ост" і вызначылі асноўныя напрамкі знішчэння беларускага народа. Асноўнай крыніцай на занятку быў Вучэбны дапаможнік "Генацыд беларускага народа ў гады Вялікай Айчыннай вайны", з дапамогай якога дзеці даведаліся аб спаленых вёсках на тэрыторыі Беларусі.
Падрабязную інфармацыю аб спаленых дамах і знішчаным насельніцтве навучэнцы даведаліся, выкарыстоўваючы qr-код і інтэрактыўную карту. Таксама навучэнцы паглядзелі відэафільм "Знішчэнне беларускага народа ў гады Вялікай Айчыннай вайны"
Занятак дазволіў дзецям усвядоміць важнасць захавання памяці аб падзеях Вялікай Айчыннай вайны на беларускіх землях з мэтай барацьбы з фальсіфікацыяй гістарычных падзей, якія маюць месца ў некаторых еўрапейскіх краінах.
Класная гадзіна садзейнічала фарміраванню ў вучняў актыўнай жыццёвай пазіцыі, гонару за Беларусь і яе людзей, якія здолелі выстаяць і перамагчы ў гады Вялікай Айчыннай вайны.
