06.10.2023
Экскурсія ў Ганцавіцкі раённы краязнаўчы музей
Вучні пачатковай школы наведалі Ганцавіцкі раённы краязнаўчы музей, які з’яўляецца адной з славутасцяў горада. З цікавасцю прайшлі па залах музея, паглядзелі дакументы і фатаграфіі, якія расказваюць пра мястэчка Ганцавічы ў 1890-1930-ыя гады, этнаграфічную калекцыю музея, вугалок сялянскай хаты, раслінны і жывёльны свет нашага краю.
У зале “Гісторыя” рабяты разгледзелі экспанаты, якія распавядаюць аб партызанскай барацьбе нашых землякоў у гады Вялікай Айчыннай вайны.
Асабліва ўразіла тэматычная выстава фотаработ “Беларусь запаведная”, вядомага фотамастака з Мінска С. М. Плыткевіча, дзякуючы якой яшчэ раз упэўніліся, што наша Беларусь найпрыгажэйшая ў свеце.