01.09.2023
У добры шлях!
1 верасня ў школе прайшла ўрачыстая лінейка, прысвечаная Дню ведаў. Вучні радаваліся сустрэчы з аднакласнікамі, класнымі кіраўнікамі і настаўнікамі. Асаблівая ўвага ў гэты дзень была звернута да самых маленькіх вучняў, якія ўпершыню пераступілі школьны парог. У якасці ганаровага госця на Свяце першага званка прысутнічаў старшыня Чудзінскага сельскага выканаўчага камітэта Анатолій Ільіч Кіцік. Дырэктар школы Валянціна Мікалаеўна Сергіеня падчас свайго выступлення пажадала школьнікам новых поспехаў і дасягненняў, імкнення да новых ведаў і ўручыла першакласнікам падарунак Прэзідэнта Рэспублікі Беларусь Аляксандра Рыгоравіча Лукашэнкі – кнігу “Беларусь – наша Радзіма”.
Памятныя падарункі для першакласнікаў падрыхтавалі і тыя, хто апошні раз прыйшоў на Дзень ведаў у якасці вучняў – адзінаццацікласнікі.
Завяршыў урачыстую лінейку першы званок, які даў пачатак новаму навучальнаму году.