04.05.2023
Нам гэты свет завешчана берагчы
Напярэдадні Дня Перамогі па ўсёй краіне праходзяць урокі Памяці "Нам гэты свет завешчана берагчы".
Урок Памяці - гэта выдатная магчымасць абмеркаваць з маладым пакаленнем важныя і лёсавызначальныя падзеі Вялікай Айчыннай вайны, яшчэ раз успомніць пра подзвігі нашых продкаў.
Сёння у рамках дэкады "Мы ў памяці захоўваем імёны героеў" прайшоў ўрок Памяці з навучэнцамі 10-11 класаў. Дзеці гаварылі аб падзеях Вялікай Айчыннай вайны, аб трагедыі Хатыні і іншых вёсак, якія напаткаў такі ж лёс, аб генацыдзе беларускага народа, аб мужнасці і гераізме юных беларусаў і іх укладзе ў Перамогу над фашысцкай Германіяй.
Навучэнцы гаварылі аб тым, што важна беражліва захоўваць памяць аб тых, каго ўжо няма з намі, і аб тым, што ведаць гісторыю сваёй сям'і і сваёй краіны-гэта абавязак кожнага.
Мы не ўладныя над часам, але нават ён не здольны сцерці з памяці подзвіг герояў пакалення пераможцаў, якім удзячныя мільёны беларусаў.