12.04.2023
Фестываль эфектыўных педагагічных практык праграмы "Настаўнік для Беларусі"
11 красавіка настаўнік гісторыі Велька Павел Вячаслававіч наведаў Фестываль эфектыўных педагагічных практык праграмы "Настаўнік для Беларусі", які праходзіў у ДУА "Акадэмія паслядыпломнай адукацыі". У мерапрыемстве прымалі ўдзел настаўнікі з ўсёй Беларусі. Пасля ўрачыстага адкрыцця фестывалю, дзе педагогам расказалі аб працы Фонда "Новая школа" і Праграме "Настаўнік для Беларусі", удзельнікі працягнулі працу ў межах тэматычных пляцовак. Павел Вячаслававіч патрапіў на куратарскую пляцоўку "Больш рэсурсаў". Там ён даведаўся аб сакрэтах тайм-менеджменту, выкарыстанні навейшых тэхналогій і як заўсёды заставацца "ў рэсурсе".
