21.02.2023
Падарожжа разам з Цягніком Памяці
Вучні нашай установы адукацыі працягваюць знаёмства з рэалізацыяй патрыятычнага праекта “Цягнік Памяці”. 20 лютага васьмікласнікі прынялі ўдзел у “Падарожжы разам з Цягніком Памяці”. Задача праекта - расказаць пра вайну, садзейнічаць патрыятычнаму выхаванню і аб’яднанню моладзі Беларусі і Расіі. Вучні даведаліся, што маршрут руху “Цягніка Памяці” складзены з улікам дзяржаўных свят і памятных дат Саюзнай дзяржавы Беларусі і Расіі. Кожны горад гасцінна прымаў удзельнікаў патрыятычнага праекта, пакідаючы незабыўныя ўражанні ў дзіцячых сэрцах. Падчас віртуальнага падарожжа вучні даведаліся, што ўдзельнікі праекта мелі магчымасць пазнаёміцца з гістарычным мінулым гарадоў-герояў, наведаць гістарычныя аб’екты і памятныя мясціны, прыняць удзел у рэканструкцыях ваенных падзей, сустрэцца з удзельнікамі Вялікай Айчыннай вайны. Кожны з гарадоў, якія наведалі ўдзельнікі “Цягніка Памяці”, захоўвае гістарычную памяць аб трагічных падзеях, а мужнасць герояў жыве ў сэрцах пакаленняў.
