16.02.2023
Дыялогавая пляцоўка "Афганістан у лёсах нашых землякоў"
15 лютага ў гісторыі нашай краіны - дата асаблівая. У гэты дзень 34 гады таму тэрыторыю Афганістана пакінуў апошні савецкі салдат. У гонар чарговай гадавіны вываду савецкіх войскаў з Афганістана адбылася сустрэча ветэранаў афганскай вайны з вучнямі нашай школы.
Гасцямі мерапрыемства былі ветэраны-афганцы - Кіцік Анатоль Ільіч і Коберац Генадзь Мікалаевіч. Сустрэча праходзіла ў фармаце жывога дыялогу. Ветэраны падзяліліся сваімі ўспамінамі аб баявых днях, аб непарушным воінскім брацтве, расказалі аб тым лёсавызначальным уплыве, які аказала на ўсё іх жыццё кровапралітная вайна на чужой зямлі. У сваю чаргу, дзеці задавалі пытанні і атрымлівалі адказы на іх. У завяршэнні мерапрыемства вучні і арганізатары падзякавалі гасцей за інфармацыю, неабходную і актуальную для маладога пакалення з іх удзелам.
