04.02.2023
Шосты школьны дзень. Рыцарскі турнір
У сярэднія вякі рыцарамі называлі адважных, смелых воінаў, якія насілі цяжкія даспехі, былі ўзброены дзідамі і мячамі. А каб стаць рыцарам, патрэбна было прайсці спецыяльную падрыхтоўку. Амаль што у сем гадоў хлопчыкаў аддавалі на выхаванне вопытным воінам, якія навучалі іх скакаць верхам, страляць з лука, кідаць дзіду, валодаць мячом.
Акрамя ваенных навук, хлопчыкаў вучылі і другому: трымаць дадзенае слова, прыходзіць адзін аднаму на дапамогу, заступацца за слабага і пакрыўджанага, высакародна і ўзнёсла ставіцца да жанчын.
Кажуць, рыцарскія ідэалы не падуладны часу. Таму сёння, на рыцарскім турніры, вучні пачатковых і сярэдніх класаў змаглі ў гэтым пераканацца.