19.01.2023
Пяцімінутка па бяспечнай жыццядзейнасці
Самае каштоўнае ў чалавека - гэта жыццё, а самае каштоўнае ў яго жыцці - здароўе, за якое змагацца ўсімі сіламі становіцца не толькі актуальна, але і жыццёва неабходна. Праблема фарміравання здаровага ладу жыцця з'яўляецца адной з актуальных сярод насельніцтва, асабліва моладзі. Для вучняў 7-11 класаў прайшла чарговая пяцімінутка па бяспечнай жыццядзейнасці. Падчас гутаркі вучні былі пазнаёмлены з наступствамі ўжывання наркатычных сродкаў і псіхатропных рэчываў. Пасля чаго школьнікі зрабілі вывад: трэба жыць цікава, атрымліваючы задавальненне ад здаровага ладу жыцця, зносін адзін з адным, тады і патрэбы ў штучных замяніцелях шчасця не ўзнікне.
