28.02.2022
Шосты школьны дзень
Пытанне аб пошуку, выбары прафесіі з'яўляецца адным з галоўных, можна сказаць "лёсавызначальным", таму для чалавека вельмі важна своечасова зрабіць правільны выбар. З гэтай мэтай 26 лютага у рамках шостага школьнага дня было праведзена прафарыентацыйнае мерапрыемства для 2-6 класаў у форме віктарыны пад назвай "У свеце прафесій". На пачатку занятку школьнікі расказалі, кім хочуць стаць у будучыні, а потым даведаліся аб папулярных у наш час прафесіях. Потым яны падзяліліся на дзве каманды і сталі супернікамі ў віктарыне. Дзецям вельмі спадабалася удзельнічаць у спаборніцтве. Яны пачарпнулі многа ведаў аб новых прафесіях, а некаторыя навучэнцы нават знайшлі сваё будучае прызванне.