27.10.2021
«Память уносит нас в самые дальние дали,
То обнимает нас радостью, то печалью…»
Смуткам абдымае нас памяць. Памяць пра выдатнага паэта, чалавека, нашага земляка – Алеся Каско. Успаміны вяртаюць нас да шматлікіх сустрэч паэта з вучнямі і настаўнікамі ў сцянах нашай школы, дзе гучалі яго цудоўныя вершы. Сумна… Чатыры гады мінула з таго часу, як няма разам з намі Алеся Каско.
Сёлета, у снежні яму споўнілася б семдзесят гадоў. З гэтай нагоды на доме, дзе нарадзіўся Алесь Канстанцінавіч, некалькі дзён таму, з’явілася мемарыяльная дошка, як напамін нашчадкам пра цудоўнага чалавека і таленавітага паэта.
