26.03.2021
Тыдзень дакладных навук
Апошні тыдзень трэцяй чвэрці запомніўся вучням школы як Тыдзень дакладных навук.
Пачаўся тыдзень гадзінай займальнай матэматыкі, якую правялі вучні 9 класа Захарчэня Марыя і Гушчэня Вераніка для вучняў 2-5 класаў.
У аўторак у кабінеце інфарматыкі былі праведзены "Інфабой" - для вучняў 6-7 класаў і "Марскі бой", у якім прынялі ўдзел вучні 10-11 класаў.
З захапленнем удзельнічалі вучні 5-6 класаў у "Турніры знатакоў матэматыкі", які дапамаглі падрыхтаваць старшакласнікі ў сераду.
А ў чацвер у кабінеце фізікі ўсіх жадаючых запрасіў вучань 8 класа Савеня Арсеній. Ён прадэманстраваў займальныя вопыты па фізіцы. Вучні з задавальненнем выконвалі заданні Арсенія. Тыя, хто змог правільна растлумачыць, атрымалі бонусы, якія настаўнік улічыць на ўроку. Закончыўся тыдзень інтэрактыўнай гульнёй "Інтэлектуальны марафон" з вучнямі 9-11 класаў. Вучні актыўна ўдзельнічалі ва ўсіх мерапрыемствах і атрымалі цікавыя прызы і бонусы.
Мерапрыемствы тыдня садзейнічалі развіццю пазнавальнай цікавасці, інтэлекту, эрудыцыі, інтуіцыі, пашырэнню кругагляду, выхаванню знаходлівасці, кемлівасці, дапытлівасці.
