24.02.2021
Дзень абаронцаў Айчыны
Дзень абаронцаў Айчыны і Узброеных Сіл Рэспублікі Беларусь — самае «мужнае» свята. Яно займае годнае месца ў шэрагу самых шанаваных і любімых нашым народам. Тым самым пацвярджаецца тое, што абарона Айчыны заўсёды была і застаецца святым абавязкам кожнага грамадзяніна і патрыёта.
Свята нясе ў сваім змесце сімвалічнае яднанне мінулага і сучаснасці.
У гэты дзень, сярод вучняў 4 класа, прайшла інфармацыйная гадзіна пад назвай “Аб мужнасці, аб доблесці, аб славе”. Мы ўспаміналі тых, хто адстаяў нашу свабоду і незалежнасць у гады Вялікай Айчыннай вайны, быў прыкладам самаадданага служэння Радзіме ў пасляваенны перыяд, з доблесцю і гонарам выканаў інтэрнацыянальны абавязак. Мы гаварылі аб тых, хто сёння па закліку сэрца абраў для сябе нялёгкую і ганаровую прафесію абараняць Радзіму.
Няхай ў роднай краіне заўсёды будзе мір і стабільнасць!