11.02.2021
Разам – да адзінай і квітнеючай Беларусі
9 студзеня 2021 года ў актавай зале Чудзінскай сярэдняй школы адбылася інфармацыйная гадзіна “Разам – да адзінай і квітнеючай Беларусі”. Удзельнікамі інфармацыйнай гадзіны сталі вучні 7-11 класаў.
Класны кіраўнік Мароз І.У. пазнаёміў вучняў з асноўнымі палажэннямі Указу №1 “Аб аб’яўленні 2021 года Годам народнага адзінства”. Педагог звярнуў увагу на той факт, што гэту прапанову Прэзідэнт Рэспублікі Беларусь унёс з мэтай кансалідацыі беларускага грамадства, з’яднання беларускага народа на аснове ідэй роўнасці, незалежнасці і братэрства. Пасля прагляду відэаматэрыяла “2021 – Год народнага адзінства” вучні разам з педагогам прыйшлі да высновы: народнае адзінства – важная ўмова захавання суверынітэту краіны, культурнай спадчыны, рэлігійнай талерантнасці, такіх агульначалавечых каштоўнасцей, як патрыятызм, чалавекалюбства, справядлівасць.
Менавіта таму і скліканы VI Усебеларускі народны сход, які пачне працаваць 11-12 лютага. Сход пройдзе пад дэвізам “Адзінства. Развіццё. Незалежнасць”. Класны кіраўнік Мароз І.У. паведаў вучням, што ў далёкім 2001 годзе ён у складзе дэлегацыі ад Ганцаўшчыны прымаў удзел у рабоце II Усебеларускага народнага сходу і падзяліўся сваімі ўражаннямі. Прапанаваная вучням прэзентацыя пазнаёміла прысутных з дэлегатамі, якія будуць прадстаўляць Ганцавіцкі раён на 6-м Усебеларускім сходзе.
У актавай зале працаваў мікрафон гонару, у які вучні расказвалі аб дасягненнях РБ, а ў мікрафон пажаданняў яны выказвалі свае думкі, уносілі прапановы па правядзенню рэформ у краіне. На працягу інфармацыйнай гадзіны вучні збіралі пазл “Беларусь – адзіная, недзялімая”, працавалі з лато “Сімвалы Беларусі”, “Помнікі архітэктуры Беларусі”, “Славутыя імёны Беларусі”.
У канцы інфармацыйнай гадзіны класны кіраўнік Мароз І.У. прапанаваў рубрыку “Крыніца мудрасці народнай” і пажадаў прысутным кіравацца ў сваіх учынках і дзеяннях мудрасцю нашых продкаў, якая назапашвалася тясячагоддзямі.