15.12.2020
Асцярожна!!! Тонкі лёд!
Штогод у асенне-зімовы перыяд на водных аб'ектах гінуць людзі, у тым ліку дзеці. Невыкананне правілаў бяспекі на водных аб'ектах у асенне-зімовы перыяд часта становіцца прычынай гібелі і траўматызму.
Восеньскі лёд у перыяд з лістапада па снежань, да наступлення ўстойлівых маразоў, нетрывалы. Змацаваны вячэрнім або начным холадам, ён яшчэ здольны вытрымліваць невялікую нагрузку, але днём, хутка награваючыся, становіцца сітаватым і вельмі слабым, хоць захоўвае дастатковую таўшчыню.
Паважаныя бацькі!
Раскажыце сваім дзецям пра небяспеку выхаду на нетрывалы лёд. Цікаўцеся, дзе ваша дзіця праводзіць вольны час.
Не дапускайце пераход і знаходжанне дзяцей на вадаёмах у асенне-зімовы перыяд. Асабліва недапушчальныя гульні на лёдзе!
Легкадумныя паводзіны дзяцей, не ведаючы і грэбуючы элементарнымі правіламі бяспечных паводзін, - першапрычына сумных і трагічных наступстваў.
Каб пазбегнуць небяспекі, запомніце(!!!):
• Восеньскі лёд становіцца трывалым толькі пасля таго, як ўсталююцца бесперапынныя марозныя дні.
• Бяспечным для чалавека лічыцца лёд таўшчынёй не менш за 7 см.
• Пераходзіць вадаёмы трэба ў месцах, дзе абсталяваны спецыяльныя лядовыя пераправы. У месцах, дзе лядовыя пераправы адсутнічаюць, пры пераходзе варта абавязкова правяраць трываласць лёду палкай.
• Лёд нетрывалы ў месцах хуткай плыні, сцёкавых водаў, а таксама ў раёнах вырастання воднай расліннасці, паблізу дрэў, кустоў.
• Вельмі небяспечны лёд пад снегам і гурбамі, а таксама каля берага.
Калі здарылася бяда:
• не панікуйце, не рабіце рэзкіх рухаў. Дыхайце як мага глыбей і больш павольна;
• раскіньце рукі ў бакі і паспрабуйце зачапіцца за край лёду, прыдаўшы целу гарызантальнае становішча па кірунку плыні;
• паспрабуйце асцярожна налегчы грудзьмі на край лёду і закінуць адну, а потым і другую ногі на лёд;
• выбраўшыся з палонкі, адкочваецца, а затым паўзі ў той бок, адкуль ішлі: бо лёд тут ужо правераны на трываласць;
Дарослыя, не будзьце абыякавымі, спыняйце спробы выхаду дзяцей на лёд, бестурботнасць можа абярнуцца трагедыяй!