05.06.2019
Адчыніў дзверы "Светлячок"
Вось і наступіла доўгачаканае лета, звонкае, яркае і вясёлае! А разам з ім і адкрыццё лагера "Светлячок" у ДУА "Чудзінская СШ".
У пачатку дня вучні актыўна ўзяліся за падрыхтоўку канцэртнай праграмы: адны прапаноўвалі распавесці верш, іншыя - праспяваць песні, загадаць загадкі, паказаць сцэнкі з школьнага жыцця.
Адкрыццё лагера прайшло ва ўрачыстай абстаноўцы. Дзеці ўважліва слухалі выступленне дырэктара лагера, якая пазнаёміла дзяцей з планам мерапрыемстваў на лагерную змену.
На працягу дня дзеці вучыліся сябраваць, быць добразычлівымі.
Пасля падвядзення вынікаў дня дзеці з добрым настроем пайшлі дадому.
