02.04.2018
Міжнародны дзень дзіцячай кнігі адзначаецца штогод 2 красавіка ў дзень нараджэння дацкага пісьменніка-казачніка Ганса Хрысціяна Андэрсана. Мэтай гэтага свята з'яўляецца прыцягненне ўвагі грамадскасці да праблем распаўсюджвання і даступнасці кніг для дзяцей.
У Дзень дзіцячай кнігі ў школьнай бібліятэцы праводзяцца розныя выставы, конкурсы, віктарыны, акцыі. Арганізатар мерапрыемстваў адзначае важнасць чытання добрых кніг з малых гадоў, падкрэсліваючы тым самым ролю дзіцячай кнігі ў духоўным і інтэлектуальным развіцці юных чытачоў. А яшчэ гэты дзень – цудоўная нагода сабрацца ўсёй сям’ёй і пачытаць уголас любімыя старонкі дзіцячых кніг!